КТ.мн

Техник технологи өндөр хөгжихийн хирээр хүний хөдөлгөөн улам бүр багасч, үүнтэй холбоотойгоор хүмүүсийн эрүүл мэнд муудаж, эсэргүүцэл багатай болж байгаа билээ. Энэ хөдөлгөөний хомсдлыг багасгын тулд дасгал хийх, янз бүрийн фитнесс клубт хичээллэх боломж бүрэн байгаа билээ. Дээрх гарчгийг хараад та Спортын болон Дижитал тоглуулагчийн тэргүүлэгч корпорациуд ямар бүтээгдэхүүнийг бүтээгээ вэ гэж гайхаж байгаа байх. Эдгээр хоёр алдартай корпорацийн хамтарч хийсэн энэхүү багц хэрэгслийн тусламжтайгаар бидний өнөөгийн амьдралд зайлшгүй дутагдаад байгаа хөдөлгөөний дутагдлыг маш сонирхолтой аргаар шийдэх боломжтой болжээ.

Яаж хэрэглэх вэ?

Энэхүү багцад багтах багтах утасгүй холболттой мэдрэгчийг Nike+ гуталныхаа улавчин дахь тусгай сууринд суулгаж, хүлээн авагчийг нь өөрийн iPod nano-гийн доод хэсэгт залгаснаар таны алхсан гүйсэн тухай мэдээллийг бэлтгэх юм байна. Ингээд та хөгжим сонсонгоо гадуур алхаж, гүйж байх үед таны алхмын зай, хурд, туулсан зам гэх мэтийг таны iPod nano тэмдэглэн авч таныг өөрийн дасгалдаа хяналт тавих боломж олгох юм.
Зөвхөн үүгээр зогсохгүй та компьютерээрээ дамжуулан өөрийн дасгалынхаа мэдээллийг iTunes болон nikeplus.com руу илгээх хэрэгтэй. Ингэснээр өөрийн чадамжыг үнэлж, өөртөө зорилго тавих болон энэхүү үйлчилгээг ашиглаж байгаа бусад хэрэглэгчидтэй виртуаль байдлаар уралдах сонирхолтой, хөгжилтэй боломж бий.

Багцад юу багтах вэ?

• Nike+ гутланд зориулсан утасгүй холболттой мэдрэгч
• iPod nano-д зориулсан утасгүй холболттой хүлээн авагч

Хэрэглэхэд юу шаардлагатай вэ?

• iPod nano
• Nike+ гутал
• iPod nano-д зориулсан програм хангамж iTunes 6.0.5 болон түүнээс дээш
• USB 2.0 оролттой Mac компьютер ба Mac OS X 10.3.9 болон түүнээс дээш, эсвэл USB 2.0 оролттой PC ба Windows 2000 (SP4) болон түүнээс дээш үйлдлийн систем
• Интернэтийн холболт, мөн Nike.com-ын үнэгүй хэрэглэгчийн эрхтэй байх
• iPod nano багцад багтаагүй

Анхаарах зүйлс

Мэдрэгчийн батерейг солих боломжгүй. Батерейн ашиглах хугацаа хэрэглээ болон бусад хүчин зүйлсээс шалтгаална.

ЗАРАХ ҮНЭ: Мэдэгдэхгүй (2009.09.09-ны байдлаар)
ЗАРЖ БАЙГАА ГАЗАР: BSB Сервис ХХК (www.bsb.mn)

Барааны үзүүлэлт:

Мэдрэгч:
• Хэмжээ: 1,37 х 0,95 х 0,30 инч
• Жин: 70 грамм
• Цацах долгион 2,40 GHz
Хүлээн авагч:
• Хэмжээ: 1,03 х 0,62 х 0,22 инч
• Жин: 30 грамм

Жич: Энэ барааны үнэ тухайн үеийн байдлаас хямдрах буюу нэмэгдсэн байх талтай. Та тухайн дэлгүүрээс лавлаж асуугаарай.

Зургийн галлерей:

Видео Трайлер: