КТ.мн

Бидний танил Intel Corp, AMD Inc, VIA Inc гэх мэтүүд дээр нэмээд зах зээлийн хурдацтай хөгжиж буй энэ салбар руу бидний хувьд төдийлөн танил болоогүй FreeScale Semiconductor Inc хүч түрэн орж netbook(жижиг оврын зөөврийн компьютер) CPU-ны бялууг хуваалцахаар төлөвлөж байна. Юугаар хүч түрэх вэ гэвээс “үнээр”. FreeScale нь машин, гар утас, сүлжээний зориулалттай хагас дамжуулагчийг үйлдвэрлэдгээрээ танил болж чадсан компани юм.
Энэ оны 1-дүгээр сарын 4-ны өдөр тус компаниас жижиг оврын зөөврийн компьютерийн шинэ чипийг гаргахаар бэлтгэж буйгаа мэдээлэв. Үүний сонирхол татахуйц гол зүйл нь: үнэ нь 200$-оос ихгүй байх юм гэж мэдэгдсэн байна. Энэ бол дэлхий удахгүй жижиг зөөврийн компьютероо 300$-400$-хооронд худалдаж авдаг болох цаг ойрхон гэж ойлгож болох гэнэ. FreeScale-ын гаргах ARM-Based chip нь зөөврийн төхөөрөмжүүдэд зориулагдан хийгдсэн i.MX загваруудын нэг гэнэ. Бүр тодруулбал i.MX515-ARM Cortex-A8 core(цөм)-той 199$-оос доош үнэ бүхий байлгахаар зорьж байгаа юм. Үйлдвэрлэгчид уг чип найман цаг баттерейгаа барих 8,9-инчийн дэлгэц бүхий зөөврийн компьютерт суулгаж болохыг мэдэгдсэн байна. Гэвч яг ямар үзүүлэлтийн баттерей гэх мэтчилэнг тодорхой дурдаагүй байна.
Үүний хажуугаар хямд үнэтэй, low-power CPU Windows үйлдлийн системийн орчинг дэмжихгүй гэдгийг хэлжээ. Шинэ CPU-ны хэргийг зөвхөн Linux-based үйлдлийн системүүд(Ubuntu) дээр л гаргах боломжтой. Энэ долоо хоногт хэрэглэгчдэд үзүүлэх шинэ чипнийхээ үнийг зарлаагүй байгаа юм. Intel Corp-ын Atom processor дээрээс нь нэмэгдээд FreeScale-ээс гадна AMD ч зүгээр суулгүй шинэ ultra-portable чипээ танилцуулахад бэлэн болгоод байгаа юм байна. Тэгэхээр өрсөлдөөн нилээд байсны дээрээс нэмж бүр ч халуухан юм болж, үүний дундаас хэрэглэгч хэн бүхэнд илүү дэвшилтийг авч ирэх биз ээ.

Дээхнэ үеийн 10 шилдэг тагнуулын хэрэгсэл		2009 онд SATA 3.0