КТ.мн

Энэ анги маань 2007 оны 9-р сарын сүүлээр анх нээлтээ хийсэн байна. Америк, Австрали, Бразил, Канад, Энэтхэг, Мексик гэсэн орнуудын худалдан авагчид анхны тоглогчид болцгоосон байна. Харин нэг өдрийн дараа Европ, дахин нэг өдрийн дараа Японд нээлтээ хийжээ. Нээлтээ хийсэн анхны өдрөө л 4.2 сая хувь албан ёсны Halo 3 тоглоом эзэндээ очжээ. Энэ бол шууд л дэлхийн рекорд амжилт болсон юм.

Halo 3 бол энэ дэлхий дээрх хамгийн алдартай тоглоом юм. Үүний хамгийн тод жишээ нь гэвэл дэлхий дээрх хамгийн олон тоогоор зарагдсан гэсэн рекордыг энэ тоглоом эзэмшдэг билээ.

Halo 3 нь нэгдүгээр биеийн шутер буюу буудагч ангиллын видео тоглоом бөгөөд түүнийг Bungie Studios Xbox 360 консольд зориулан бүтээжээ. Halo 3 нь мэдээж нь Halo цувралын 3 дахь анги гэдэг нь ойлгомжтой. Өмнө нь Halo: Combat Evolved болон Halo 2 гэсэн ангиуд гарч байсан юм. Бас эхний 24 цагийн дотор 170 сая доллар олсон анхны тоглоом болов. Харин эхний долоо хоногтоо 300 сая долларын орлого олсон байна. Эхний 20 цагийн дотор 1 сая тоглогчид Halo 3 тоглоомыг Xbox Live хэмээх сүлжээг ашиглан онлайнаар тоглосон нь бас л үнэмлэхүй амжилт болоод байна. Ингээд 2008 оны нэгдүгээр сарын 3-ны байдлаар Halo 3 тоглоом нь 8.1 сая хувь борлогдоод байна.

Энэ бүхэн юуг хэлж байна вэ гэхээр түүний үнэмлэхүй аварга тоглоом гэдгийг шууд илтгэж байгаа юм. Харамсалтай нь монголд Xbox нь харьцангүй цөөхөн байдаг учир энэ тоглоомын өмнөх ангиудыг монголчууд тийм ч сайн мэдэхгүй. Харин Xbox 360 нь PlayStation 3-Аас нэг жилийн өмнө түрүүлэн гарснаар Монголчууд Xbox 360-ыг түлхүү худалдан авах болсноор энэ тоглоомыг сонирхож эхэлсэн нь лавтай. Энэ тоглоом дээр 26-р зуун гарах бөгөөд од хоорондын дайн өрнөж байгаагаар нь зохиол нь үргэлжилдэг. Хүн төрөлхтөн буюу Америкийн Үндэсний Сансрын арми ба бусад гаригуудын харь гаригийн арми хоёрын хооронд гол дайн өрнөнө. Тоглогч хүн буюу чи армийн нилээд өндөр чадвартай мастер толгойлогчийн дүрд хувилна. Чи бол кибернетик технологи бүхий тусгай хувцастай, дээд зэрэглэлийн дайчин юм. Чиний чин зорилго бол мэдээж хүн төрөлхтөн бас эх болсон дэлхийгээ харийн түрэмгийлэгчдээс аврах, хамгаалах явдал юм.

 

Xbox 360 буюу шинэ үеийн консоль дээр гарч байгаа болохоор график зураглал, дуу дүрс, анимаци, үйл явдал зэргийг өгүүлэхийн ч юм биш. Чи өөрөө нүдээрээ үзэж, биеэрээ мэдрэх л хэрэгтэй. Halo 3 дээр чи өөрийн хөл дээрээ гүйж байлдахын сацуу тээврийн хэрэгсэл унах боломжтой болсон байна. Энэ бол дайн тулаанд хичнээн хэрэгтэй гээч. Тоглоом дээр гарах буу зэвсэг, гранат, элдэв тээврийн хэрэгслүүд, дайсны чинь цэргүүд, амьтад зэрэг нь хичнээн олон янз гээч. Тэдгээрийг нэг бүрчлэн дурдана гэвэл бүтэхгүй юм. Үнэхээр шилдэг тоглоом, шилдэг үйл явдал, жинхэнэ сэтгэл хөдөлгөсөн тулаан энд л байна. Одоо чамд Campaign буюу Тусгай зохиолын дагуу өрнөх үйл явдлын тухай хэлж өгье. Нийт 9-н үеийг амжилттай давах ёстой. Хамгийн сонирхолтой нь энэ үеүдээ чи ганцаараа тоглож болох боловч хэрвээ чамд интернэт холболт байгаад Xbox Live үйлчилгээнд хамрагдсан бол онлайнаар дэлхийн бусад хүмүүстэй хамтран дайсантайгаа тулалдаж болох юм. Та нарын хэн нэг чинь Master Толгойлогч болох бол нөгөөх чинь Спартан, харин бас 2 тоглогч Элит болох учиртай.

 

Ингээд л та нар мөр зэрэгцэн тулалдаж дээ. Энэ бүхэн хичнээн амттай гээч. Ёстой үгээр хэлэхийн биш. Halo цувралууд дээр Halo гэсэн бүхэл бүтэн өөрийн ертөнц байдаг. Үйл явдал ойролцоогоор 2553 онд өрнөж байгаа юм уу даа. 2525 он хүртэл хүн төрөлхтөн дээд зэрэглэлийн гэрлээс хурдан тээврийн хэрэгсэл бүтээж чадсан бөгөөд үүнийхээ тусламжтайгаар ойролцоох 100 гаруй гариг ертөнцийг өөрийн эрхшээлд оруулаад байсан юм. Харин 2553 онд Cove¬nant хэмээх харь гаригийнхан бидэн рүү дайрсан нь энэ ажээ. Covenant-чууд нь бидэндтэй шууд л дайн зарласан ба хаа тааралдсан газраа хайр найргүй устгах шийдвэр гаргасан байна. Тэгэхээр бид ч бас юу гэж зүгээр суух билээ, сөрөн тулалдахаас өөр аргагүй. Ингээд тусгай кибернетик технологитой хувцас бүтээн цэргүүдээ хувцаслан хүнд ширүүн дайн тулаанд орох нь тэр.

 

Halo 2 дээр дайсныхан манай эх дэлхийг хараахан олж чадаагүй юм. Тэд эх дэлхийг сайн мэдэхгүй хажуугаар нь өнгөрөх бөгөөд тулаанууд дандаа харь гариг дээр өрнөж байсан. Харин Halo 3 эхлэх үед Covenant-ууд дэлхий дээр нүсэр арми буулгасан байх бөгөөд дэлхийн ихэнх хүмүүс амь үрэгджээ. Halo 3-ийн гол баатар Master Chief нь супер гэдгийг чи мэдэж авсан. Энэ хүн бол Спартан хэмээх төслийн багийн хамгийн сүүлийн амьд үлдсэн гишүүн юм. Өөрөөр хэлбэл чи хүн төрөлхтний эцсийн найдваруудын нэг, хамгийн шилдэг тулаанчдын нэг юм. Чам шиг шилдэг дайчин асар цөөхөн үлдсэн тул бүгд л чамайг авралын нүдээр харах ажээ.

Өнөөдөр Halo 3-ийн цэргийн хувцас бараг л хит болжээ. Сансрын маягийн хувцас, толгойн өмсгөл зэргийг та дэлхийн томоохон хотуудын том том төвүүдэд олж харах боломжтой. Halo 3 бол Microsoft компанийн тоглоомын ертөнцийн нэрийн хуудас, Xbox 360 тоглуулагчийг аварсан хамгийн эрхэм бүтээл болсон байна. Өөрөөр хэлбэл Halo 3-ыг тоглохын тулд Xbox 360 худалдан авах нь хэвийн үзэгдэл болсон юм.

 

Зургийн галлерей:

 

Видео Трайлер:

Guitar hero II ба Гитарын баатар 2		Need for Speed - ProStreet