Stuntman Ignition

2009 оны 6-р сарын 03, Лхагва гариг, 00:00

Stuntman Ignition бол монголчилбол Зогсоох хүсэл гэсэн утгатай нэр юм. Та энэ тоглоом дээр машины жолооч болох бөгөөд амь өрссөн ширүүн уралдаануудыг хийх болно. Анх Stuntman хэмээх эхний анги нь гарч байсан бөгөөд харин энэ удаа Xbox 360, PlayStion 3 зэрэг супер консолиудад зориулагдан шинэ ангийг гаргах гэж байгаа юм байна. 2006 оны 5-р сард албан ёсны эзэмшигч Atari компаниас энэ тоглоомын зохиогчийн эрхийг THQ корпораци худалдан авч байгаагаа нийтэд дэлгэсэн.

Түүнчлэн тоглоомын хөгжүүлэгч Paradign Entertainment студи уг тоглоомын шинэ ангийг шинэ консолиудад зориулан хөгжүүлэх болсныг зарласан юм. Тэр оныхоо 9-р сарын сүүлээр шинэ ангийн тухай бага сага мэдээлэл цацагдаж эхэлсэн. Тоглоом 6-н үндсэн хэсгээс тогтох бөгөөд хэсэг болгон нь нэгэнт хит болсон кинонуудаасаа сэдэвлэсэн ажээ. Тухайлбал Aftershock кинон дээр галт уул дэлбэрч, газар нурж байгааг дүрсэлдэг бол Overdrive дээр нь 70-аад оны үеийн Сан Франциско хотын цагдаагийн тухай өгүүлдэг юм. Хэсэг болгон нь дотроо 6-н жижиг хэсгүүдэд задрах бөгөөд та ямар нэгэн тодорхой даалгаврыг биелүүлэх болно.

Та энэ тоглоом дээр олон тоглогчийн болон дан тоглогчийн горимоор тоглож болно. Эхний хэсэг дээр таны төрөлх хот аймшигт галт уулын дэлбэрэлтэд өртөх бөгөөд та ямар ч хамаагүй машин унан амь өрсөн зугтаах ёстой. Мэдээж зүгээр нэг давхихгүй нь ойлгомжтой. Төрөл бүрийн саад бэрхшээл, амь өрссөн мөчүүдийг амжилттай даван туулах ёстой. Тэгвэл үүний дараа гудамжнуудаар зүгээр л байнд хүртэл амжилттай давхих ёстой. Танд садаа болохоор юу ч тохиолдож мэднэ. Та харайх, хурд авах, амжилттай шарвах, бүтэн эргэлт зэрэг хүнд элементүүдийг гайхалтай сайн хийсэн тохиолдолд л даалгаврыг биелүүлэх болно.

Ийнхүү даалгавруудыг амжилттай биелүүлснээр Холливудын кинонд тоглож буй жолооч болох ёстой юм. Холливудын кинонд жинхэнэ амь өрссөн мөчүүд олон тохиолддог шүү дээ. Тэгэхээр та арын албанд зүтгэж буй жолооч болохоо одоо ойлгов уу. Мэдээж та анхандаа туршлагагүй жолооч байх тул хамгийн энгийн үйлдлүүдийг биелүүлэхээс эхэлнэ. Эдгээрийг биелүүлэхэд амархан боловч даанч харамсалтай нь цалин хөлс нь бага. Бас хэн ч чамайг тоож сонирхон харахгүй нь гачлантай. Харин таны авьяас чадвар нэмэгдэж, хүнд хүнд үйлдлүүдийг гүйцэтгэхийн хирээр нэр нөлөө, даалгаврууд чинь даган хүндрэх нь тодорхой. Эцсийн эцэст хамгийн хүнд хүнд үйлдэл бүхий жинхэнэ супер кинонуудын зураг авалтыг чамаас өөр хүн гүйцэтгэж чадахаа болих болно.

Холливуд бол асар өндөр шаардлагатай нь мэдээж. Та яг найруулагчийн хүссэн шиг л хэцүү үйлдлүүдийг цэвэрхэн сайхан гүйцэтгэх ёстой. 6 тэс өөр кинонд 36 янзын үйлдэл бүхий даалгавар таныг хүлээж байна. Үнэхээр сонирхолтой байгаа биз.

Энэ тоглоом нь 2007 оны 8-р сарын хавьцаа нээлтээ хийхээр төлөвлөж байгааг дурдъя. Тийм учраас THQ компани нь зөвхөн эхний ангийнхаа нууцыг дэлгэсэн бөгөөд одоо үүнийг танд хэлж өгье. Таны эхний тоглох супер кино бол AfterShock юм. Энэ кинон дээр галт уул дэлбэрч, хотыг бүхэлд нь сүйрүүлж байгааг дүрсэлдэг. Мэдээж найруулагч чинь киногоо сүртэй, үнэмшилтэй болгохын тулд хүнд хүнд үзүүлбэрүүдийг оруулсан нь тодорхой. Галт уулын хайлмагийн хажуугаар элдэв төрлийн дэлбэрэлтүүд, шатахуун түгээх станцын дэлбэрэлт, эмх замбараагүй тээврийн хэрэгслүүд чамд гай болох нь тодорхой. Энэ кинон дээр гялалзан урсах галт хайлмагийн аюулыг хангалттай амсах болно.

AfterShock хэмээх энэ кино нь 3-н хэсэг үзэгдлээс тогтоно. Таны бүтээсэн давхилтын монтажийг ашиглан тун сайхан кино болон түүний trailer видеог бүтээх ёстой. Найруулагч чинь энэ удаад 150 оноо бүхий гүйцэтгэл шаардана. Энэ нь харьцангуй гайгүй боловч чи нэг л алдаа гаргавал найруулагчийн санаанд хүрэхгүйг ойлгоорой. Эхний үзэгдэл дээр гал улаан спорт машиныг чиний мэдэлд өгөх бөгөөд гал асаж буй хот дундуур давхин уулын замаар уруудах ёстой. Гол нь машин угаалгын газраар давхин өнгөрөхдөө машиндаа асаж байгаа галыг унтраах боломжийг чамд өгнө. Энэ үзэгдэл нь "урсаж буй лав" гэсэн нэртэй. 2-р үзэгдэл нь "анхны чичиргээ" гэсэн нэртэй бөгөөд чамд SUV буюу ачааны жип өгнө. Яаж ийж байгаад л хотын том гүүрийг гатлан нөгөө талд нь гарах ёстой. Харин 3-р үзэгдэл дээр чи цагдаагийн тэрэг барих бөгөөд галт лав дээгүүр өндөр байшин ашиглан үсэрч гарах ёстой. Сэтгэл хөдөлгөж, амьсгаа давчдуулсан Холливудын киноны хамгийн хүнд үзүүлбэрүүдийг үзүүлэхэд бэлэн үү. Тэгвэл 8-р сард эргэн уулзацгаая.